NGO Loro-Matan hanesan resipiente ba fundus Japaun ne’e no mos implementador ba projetu harii sistema irrigasaun iha Suku Debos tanba komonidades iha area ne’eba iha natar rasik ne’ebe luan tebes, maibe husi tempu ba tempu sira hasoru problema relasioa ho be’e ba sira nia natar tamba falta fasilidades sistema irrigasaun.
Governu Japaun oferese US$ 92.410 atu NGO Loro-Matan bele implementa projetu irrigasaun ida ne’e liu husi Asistensia Fundu Kiik ba Projetu Siguransa Humana.
Projeitu harii sistema irrigasaun foun iha Suku Debos nia objektivu maka atu bele fornese be’e sufisiente ba agrikultores sira nia natar nune’e bele hasae produsaun hare no haforsa liu tan siguransa alimentar iha area ne’eba.
Durante seremonia inaugurasaun representante husi Embaxada Japaun iha Timor-Leste, Sra. Hiroko Tsuchiya espresa nia apresiasaun ba membrus staff NGO Loro-Matan no mos komonidade local hotu ba sira nia esforsu tomak ba projetu ida ne’e.
Nia hatutan tan katak agrikultura no dezemvolvimentu rural hanesan area importante ida ba asistensia hosi rai Japaun iha Timor-Leste.
“Hau hein katak projetu ne’e bele kontinua hametin amizade antre povu Japaun no povu Timor-Leste.”
Deputadu Paroamentu Nasional, Natalino do Santos Nascimento, CNRT, agradese mos ba povu Japaun kona ba sira nia kompromissu atu suporta povu Timor-Leste.
“Hau Reprejenta povu nia naran hodi agradese ba povu Japaun liu husi nia Embaixada ne’e hatudu katak sira nia komprimisu komitmentu idak-idak apoiu ba povu Timor-Leste especial povu Suai Covalima ida ne’e agradese bot teb-tebes, ida ne’e maka komitment estadu Jepaun ninian.”
Deputadu Nascimentu husu para bele iha kontinusaon ajuda nafatin povu Suai liu-liu iha area irigasaun, be’e mos nomos iha area infrastutura tamba Suai fatin nebe potensial bo’ot ba sai supply-base ba povu tomak iha Timor-Leste.
