“Maibe normalmente ema sira ne’e imunidade, ne’ebe hau hanoin susar oituan atu prosesa ema sira ne’e iha ne’e,” hateten Deputadu Martins iha PN, Dili, semana kotuk (6/12).
Tuir Deputado Martins katak dala barak UN sira taka sira nia sala nebe mak iha tanba iha imunidade.
“Imunidade sira labele justisa iha ita nia rai tanba sira ema estranjeiru, no mos servisu Nasoens Unidas susar oituan.”
Entertantu Deputadu Aderito Hugo hateten katak wainhira sira komete krime tenki lori ba prosesu justisa.
“So forsa FSI ne’e mak ita iha akordu ida wainhira nia komete iha asidenti ruma ita tinan–tinan tau osan para halo kompensasaun,” dehan Deputado Hugo.
Nia haktuir katak membrus misaun ONU iha Timor-Leste mak komete krime tenki tuir prosesu normal.
“Hau la hatene bot sira husik liu deit, ne’e failhansu husi ita nia investigador sira. Tanba sa mak la halo prosesamentu.”
“Tanba ne’e mak ita husu ba Ministeriu kompetente liu-liu Polisia Investigasaun kuandu kazu involve ema internasional sira nia misaun besik hotu ona tenki prosesu lalais ka, labele pendente-pendente hela” hateten tan Deputado Hugo.
