Estudante nain 85 hosi Universidade da Paz, UNPAZ, Fakuldade Siensias Sosiais no Humanas, Departamentu Politika, Dezenvolvimentu International, no Relasoens Internasional, halao wisuda hafoin ramata sira nia estudus.
“Hau hahu hakruk lai ba inan aman, kaben, maun alin, parentes tomak, husi finalista walunu resin lima (85) ne’e tanba imi nia sakrifisiu deit, imi nia jenerojidade deit mak halo sira ohin bolu ita fila fali mai iha ne’e” hateten Reitor UNPAZ Dr. Lucas da Costa, iha nia diskursu semana kotuk (6/12).
Entertantu Diretor Empregu iha Sekretariu Estadu Formasaun Professional no Empregu (SEFOPE), Albano Salem, hateten katak lori naran Inan-fffAman sai sasin ba eventu ida ne’e hato’o respeitu bot ba reitor Universidade da Paz, Dr. Lucas da Costa no mos ba dosentes tomak.
“Ita bo’ot sira priense duni kriteria atu faje Yudisium, iha tinan hat liuba ou balun lima liuba ami inan-aman intrega ami nia oan sira ba iha Universidade ida ne’e atu hetan matenek, atu hetan buat hotu-hotu nebe ligasaun ho kualidade siensia nebe oan sira hili rasik,” dehan Diretor Salem.
Enkuantu yudisista, Domingos Amaral, hato’o obrigadu wain ba dosente sira nebe durante tinan hat nia laran akompanha iha Universidade da Paz.
“Ami la iha buat diak ida atu oferese ba ita bot sira, tanba ami hatene ona no senti ona katak diak no sakrifisiu nebe ita bot sira fo no hatudu mai ami hanesan foho ne’ebe bot no hanesan tasi nebe luan la iha ninia sasukat,” Yudisista Amaral hateten .
