“Ida ne’e mak mudansa ida importante tebe-tebes no mudansa ida tan mak ita vota iha unidade jeografika. Rejistu iha nebe tenki vota iha neba,” hateten Diretor Cabral, iha STAE nia servisu fatin iha Caicoli, Dili, semana kotuk (2/12).
Diretor Tomas dehan mos katak atualizasaun baze de dadus ne’ebe horas dadauk lao iha loron sanulu resin lima fulan Dezembru sei taka ona.
“Ita iha Janeiru iha eksibisaun mudansa para ema hotu-hotu ba hare sira nia naran los ga lae, naran iha lista ga lae,” hatutan tan Diretor Cabral.
Nia dehan eksibisaun mudansa ne’e importante tebe-tebes para ema hotu bele hatene vota iha fatin nebe. “Selae to’o loron eleisoens la hatene atu ba vota iha nebe.”
Entertantu Prokuradora da Republika Dr. Ana Pesoa sublina katak maske lei Eleitoral aprova tiha ona parlamentu nasional, karik deputadus la iha idea klaru ita nia kondisoens iha terenu, liu –liu embaixador iha rai liur atu organija elisaun.
“Tanba organiza elisaun sei organija ema barak, ema nebe ita tenki ser treinu” hateten Prokuradoes da Republica Ana Pesoa.
Nia hateten, nia rona husi Diretor STAE no mo hosi responsaveis iha rai liur katak embaisadas iha rai liur la iha kondisaun atu organiza Eleisaun Jeral ba Timoroan moris iha liur atu bele vota iha 2012.
