Deputadu Antoninho Bianco, FRETILI, salienta frajilidade juventude sira nian iha rai laran, liu liu iha kapital Dili, tanba oportunidade la iha juventude barak mak involve iha aktividades violenta no tanba sira frajil mosu oportunidade atu ema bele manipula sira nia mentalidade.
“Kampu de trabalhu laiha, servisu laiha entaun joventude ne frajil hela. Frajil ema bele manipula, no ema bele aproveta ne’e maka inpaktu ita politika ba dezenvolvimentu nasional la orientadu atu absorve kapital ida ba kampu de trabalhu entaun ita iha situasaun ida nebe ke frajil atu ema bele manipula,” hateten Deputado Bianco semana kotuk (29/11) iha plenaria Parlamentu Nasional.
Deputadu Brianco sublinha tan katak juventude sira rasik lakoi sira nia rain atu ladiak, no juventude rasik sira lakoi atu hamosu konflitu iha sira nian rain rasik tamba iha 2006 sira sai ona hanesan vitima.
“Konserteza sira lakoi sai vitima tan, maibe tanba fator kampu de trabalhu [la iha] entaun sira iha situasan frazil, ema seluk bele utuliza sitausan hanesan ne’e atu bele kria konflitu iha nasaon Timor –Leste.”
Iha oportunidade hanesan Vise President Parlamentu Nasional, Deputada Maria Paixao hateten katak “iha expresaon ida ke sira hateten katak Juventude La Bele Sai Joven Tuda, tamba joven comesa tuda malu, comesa oho malu. Ida ne’e buat ida ke ladiak. Dala barak ema dehan ne’e tamba kampu de trabalhu laiha I ema joven barak mak halimar hela entaun hodi ida ne’e maka sira atu buka fali problema, oho malu.”
Deputada Paixao hatutan tan katak aktividade business barak iha Timor-Leste no oin oin la presiza ema hotu tur iha eskritoriu ka kantor hanesan funsionariu publiku.
“Maibe wainhira hare katak ema nebe halao aktividades bisnis osan barak liu fali ema nebe servisu nudar funsionariu, hare katak ema nebe mak faan karau, faan osan mean, faan sasan nia rikeza barak liu, sira bele hola kareta no susesu liu fali, antau hare ba rezultadu hirak ne’e entaun servisu mak hanesan nune’e, la persija kampu de trabalhu para atu sai funsionariu. Hodi fila liman ita mos bele buka ita nia moris lorloron nian atu moris ba oin.”
Nia apela mos ba populasaun tomak, liu liu joven, atu kriativu liu atu buka kria servisu ba aan rasik no nune mos haluha mentalidade violensia ne’ebe sei la diak ba mentalidade joven sira.
Deputada Paixao koalia mos kona ba mentalidade ne’ebe joven sira lori ho sira hanesan mos joven hat ne’ebe oras ne’e prepara atu fila mai Timor-Leste hosi Korea do Sul tanba halo violensia ba kolega trabalhadores Korea do Sul nian.
“Hare ba hahalok hirak ne’e signifika katak mentalidade hahalok violenta ne’e sei kontinua nafatin iha ita nia joven sira.
