Organizasaun non governmental Forum Komunikasi Untuk Perempuan Timor-Lorosa’e (FOKUPERS) hare ba realidade nee’be iha katak feto barak mak la ba servisu tanba laiha ema atu hein labarik entau desidi harii uma knua ba labarik atu oferese fatin ba inan sira atu rai sira nia oan iha jadrin infantile ne’ebe laos eskola maibe atu ajuda inan sira buka servisu hodi sustenta familia iha futuru.
“Knua ba labarik laos eskola maibe hanesan rai labarik atu inan feton sira ne’ebe hakarak buka ekonomia hodi sustenta sira nia familia ami oferese oportunidade ba sira atu rai sira nia oan. Labarik tama iha dader tuku 8:00 to’o tuku 5:00 lokraik se hakarak rai lokraik mos bele 12:00 to’o tuku 5:00 lokraik,” dehan Manajer Programa Edukasaun Baziku igualidade Jeneru la ho Violensia, Alzira Acáçio, semana kotuk (29/11) iha edifisiu FOKUPERS iha Farol, Dili.
Aktividade ne’ebe labarik sira halo mak kanta, dansa, lee livru, dezenho, halimar bloku. Lingua ne’ebe sira aprende mak lingua protugues no ingles.
Nia hatutan liu katak labarik ne’ebe tama iha knua ba labarik FOKUPERS hamutuk 70 kompostu husi feto 35 no mane 35 ho idade ne’ebe diferente balun ho idade tinan rua to’o tinan hitu, iha balun mos fulan ne’en ne’e ba empregados FOKUPERS nia oan deit.
Manajer Acáçio hateten tan katak ba parseiru FOKUPERS nia oan ne’ebe rai iha knua ba labarik durante loron tomak fulan ida selu U$40 no loron sorin U$20 maibe ba vitima sira ne’ebe hela iha uma mahon nia oan gratuita.
Knua ba labarik harii iha tinan 2002 ho objetivu atu hanorin labarik hodi promove paz no igualidade la ho violensia no prepara labarik ba futuru.
Iha fatin seluk Profesora Domingas da Gloria hateten katak atividade ne’ebe sira halo mak hanesan kontrola hahan ne’ebe atu fo ba labarik sira, hanorin sira atu moris iha moos nia laran katak fase liman bainhira han no haris, no mos kona ba nutrisaun. Sira mos hanorin labarik sira lingua protugues no mos kuinesementu konaba animal no aihan sira.
“Atende labarik ho idade tinan rua ba tinan hitu ne’e sempre iha difikuldade maibe ami sei esforsu nafatin atu bele atende sira ho diak no buka hatene nafatin saida mak sira nia hakarak,” dehan profesora Gloria.
