Governo Japaun no Organizasaun Naun Governamnetal (ONG) lokal FUFTILO hamutuk selebra seremonia inagurasaun hafoin complete konstrusaun Eskola Bazika No. 1 Iliomar iha Distritu Lautem, semana kotuk (25/11).
Ho kompletamentu konstrusaun eskola ne’e, governu Japaun fornese ona orsamentu hamutuk US$107.810 liu husi programa Fundus Kiik ba Asistensia Siguransa Humanu iha Areas Rurais atu bele responde ba nesesidade basiku iha area Edukasaun.
Eskola Bazica No.1 Iliomar hetan estragus durante periodu resistensia nia laran no husik hela ho kondisaun la diak durante tinan sia nia laran hafoin hetan independensia iha 2002.
Hare ba situsaon eskola ne’e governu Japaun no ONG local FUFTILO esforsu makaas hodi nune’e estudante sira bele hetan fasilidade nebe subsiente nomos bele ona iskola iha aula laran duke iha loro laran.
“Iha okaziaon seremonia inagurasaon ne’e Reprejentante Embaixada Japaun iha D, Sr. Inoue [apelido], espresa nia apresiasaon ba partisipantes tomak liu-liu ba ONG FUFTILO hodi kompleta konstruksaun eskola ne’e. Nune’e nia hato’o apresiasaon aas tebes ba sira nia dedikasaon no antusiasmu makaas hodi lori projetu ho susesu”
Tuir Director Nasional Educasaun Bazika, ME, Alfredo de Araujo, serimonia loka foun Eskola Baziku No.1 Iliomar bele sai referensia kakta eskolas barak tan sei lok tan iha rai laran atu aument nivel edukasaun iha Timor-Leste liu liu iha areas rural.
“Klaru katak ohin loron ne’e 25 ne’e atu halo inagurasaon iha Iliomar, Distritu Lautem, Vise ministru ba duni Horseik, portantu ita espera katak liu husi Embaixada Japaun ajuda eskola barak iha ne’e inclui mos eskola nebe ohin halo inagurasaon ne,” hateten Director de Araujo.
Director ne’e hatoo mos katak nia konhese ONG FUFTILO no liu hosi nia kontribuisaun hakered no hatama proposta ba Embaixada Japaun iha Timor-Leste mak ohin loron Eskola Bazika found ida loke tan iha Iliomar.
