Tuir Dosente Universidade Nasional Timor Leste (UNTL), liu hosi Instituto Nasional Linguistica (INL), Jose Luis Da Silva, hateten katak iha tinan oin mai Universidade sei hanorin ho Portuques maibe maioria Dosente sira seidauk pronto atu hanorin ho Lian Portugues.
Dosente sira ne’ebe hanorin iha Unversidade Nasional agora sira rasik seidauk domina Lian Portugues. Sira domina mak sistema hanorin educasaun ho Lian Indonesia tamba sira nia aprendizajen rasil durante tinan 24 laran iha tempo Indonesia kompleta ho Lian Indonesia.
“Maioria Dosente ne’ebe hanorin iha Universidade barak mak la domina Portugues, sira dominan sistema educasaun ensino baziko ho lian Indonesia tamba sira aprende durante tinan 24 laran. Educa ema sai educador ba alunos maibe sira nunca aprende Portugues,” hateten Dosente Da Silva iha Knua Buka Hateten, iha Colmera, Dili.
Tuir Dosente Da Silva katak planu bele lao maibe tenki hare ba tereno no hare ba rekursu humano professor sira hosi Ensino Baziko to’o Ensino Superior.
Tuir nia tan, iha Lei Inan hakerek klaru ona katak lingua hat mak konsagra tiha ona iha nasaun Republika Demokratika Timor-Leste, katak Lian Tetun no Portugues sai hanesan Linguaa Ofisial no Lian Tetun nudar Lian Nasional, no mos Lian Ingles no Indonesia sai hanesan Lian Trabalho.
Entertantu Vise Prezidente Komisaun F, Parlamentu Nasional, ne’ebe toma asuntu Educasaun, Saude no Kultura, Deputado Francisco Jeronimo, hateten katak tuir Plany ba Sistema Educasaun iha tinan 2012 Universidade Nasional mos tenki hanorin ona ho Lian Portugues ba Primeiru Ano, Semestre 1 no katak Semestre sira seluk neebe antigu kontinua nafatin ho lingua ne’ebe mak hanorin ona.
“Se sira iha ona atu hanorin ho Tetun, OK, naran katak lian ne’e simu husi parte siensia nian ne’e laiha problema. Atu pronto ka la pronto loke escola ida ka Universidade ida, hau mos tenki hare mos ba saida mak Estadu ida ne’e nia hakarak atu lori ema ne’e ba iha ne’ebe,” hateten Deputado Jeronimo.
