Unidade Batalhão Ordem Publika (BOP), PNTL, Baucau, falta fasilidade hanesan transporte, eikapmentus ba protesaun pessoal, radio komunikasaun, komputadores mos sei limitadu, gazoel ba transporte ninian mos la to’o, inklui mos be’e mos iha sira nia posto hodi fasilita polisia sira hodi atende ba situasaun ne’ebe akontese iha Distritu Baucau nia laran.
Tuir Inspector BOP, Carlos Cabral semana kotuk (3/11), iha servisu fatin iha Baucau, fasilidade ne’ebe mak sei falta iha nia edifisio Baucau ne’ebe la premite atu sira halao servisu ho maximu no presiza tan ekipamentus sira ne’e atu hodi atende ba situasaun ne’ebe akontese iha Distritu Baucau nia laran.
“Bainhira buat ruma mosu iha Distritu Baucau, suku no kampung sira uza deit hau nian ne’e mak nia kondisaun sei diak tamba transporte ba polisis sira atu hodi halo atuasaun ba problema ne’e araska tebes tamba transporte sira ne’e kondisaun la diak hotu ona,” Inspector Cabral hateten.
Inspector ne’e mos hateten katak nia informa kona ba assuntu ne’eb ona ba iha Komandaante Jeral liu husi komandante Batalhão hato’o ba Komandante Unidade hato’o tan ona ba Komandante Jeral maibe seidauk iha desizaun kona ba difikuldades sira hasoru.
Total transporte ne’ebe iha hamutuk walu, protesaun body sei limitadu tebes, komputadores mos iha deit rua maibe nia printer laiha, radio komunikasaun nia mos la sufisiente para atu uza tamba radio komunikasaun ne’e mos balun nia kondisaun a’at hotu ona no seidauk monta ninia repiter. Gazoel ba transporte ninian mos la to’o.
Ekipamentus sira ne’e mos sei limitadu tamba ajentes polisia BOP hamutuk iha Baucau nain 47, mane iha 46 no feto ida deit.
