“Ami hanoin difikuldade ne’ebe ami iha mak hanesan jardin ba labarik sira no aimoruk ba labarik sira bainhira hetan asidente ruma, armario livru nian no janela eskola nian ne’ebe hetan stragus husi ema deskonhesidu hanesan problema bo’ot ba ami,” dehan Diretora Joana da Costa foin lalais (24/10) iha Dili.
Materia ne’ebe labarik pre-eskola sira aprende mak hanesan materia dezenho, tesi, puisia no kanta no seluk–seluk tan tuir tema ne’ebe iha.
Iha parte seluk Professora Iria Soares hateten katak atu sai professora ba eskola infantil ne’e la fasil presiza ema ne’ebe pasensia tanba nudar profesora professional ida tenke pasensia.
“Ba labarik sira ne’ebe gosta halimar entau sira kontenti tebes maibe kuandu sira ne’ebe la gosta ami tenke ba hamaus sira ho maneira ne’ebe ami iha para sira bele tuir material ne’ebe iha. Ami tenke halo deit saida mak labarik sira hakarak se ami la pasensia labarik sira sei la ba oin,” dehan Professora Soares.
Eskola infantil Belun Manatutu iha alunus hamutuk nain 51, iha salas rua katak gropu A husi idade 4 ba 5 no groupu B husi idade 5 ba 6. Eskola hahu loron Segunda to’o Sabadu no profesoras nain rua.
Eskola ne’e rasik hetan vizita ona husi parte Ministeriu Edukasaun maibe to’o agora dadaun seidauk iha resposta ruma husi parte edukasaun.
Professora Soares informa mos katak sira presiza duni pre-eskola ne’e iha Manatuto tanba iha labarik barak mak presiza duni. Nudar eskola foun ida presiza duni tulun husi orgaun ne’ebe kompetente no ONG sira ne’eduni husu ba ONG Belun Manatuto no parte Edukasaun atu kontinua fo tulun ba sira atu bele lori eskola ne’e ba oin.
