Loron balu tan, família umana sei simu ninia membru biliaun da-hitu.
Ema balu dehan ita-nia planeta ne’e ema barak demais ona. Ha’u dehan ita-nia forsa ema na’in biliaun hitu.
Mundu ne’e halo ona progresu estraordináriu dezde ké Nasoins Unidas moris tinan 66 liubá.
Agora ita-nia esperansa moris naruk liu. Ita-nia oan sira barak liu mak sobrevive. Ema barak liu moris ho trankuilidade, iha estadu-direitu demokrátiku nia okos.
Hanesan ita haree ona iha tinan dramátiku ida-ne’e, povu iha fatin hotu-hotu hamriik daudaun hodi defende sira-nia direitu no liberdade umana.
No maski nune’e … progresu ne’e hotu hetan ameasa. Husi krize ekonómika. Nivel dezempregu no dezigualdade ne’ebé aumenta. Mudansa klimátika.
Iha mundu tomak, ema barak tebes mak moris iha ta’uk nia laran. Ema barak tebes fiar katak sira-nia governu no ekonomia globál la bele tan sustenta sira-nia nesesidade.
Iha tempu runguranga, só iha de’it resposta ida: ita hotu tenke iha objetivu ida de’it.
Problema globál presiza solusaun globál.
Problema sira-ne’e ha ka’as nasaun hotu-hotu atu hamutuk iha asaun kona-ba ajenda ida ba mundu nia povu.
Ne’e mak Nasoins Unidas nia misaun tebes duni:
Atu harii mundu ida-ne’ebé di’ak liu.
Labele husik nein ema ida iha kotuk.
Hamriik iha ema sira kiak liu hotu no vulneravel liu hotu nia sorin hodi pás globál no justisa sosiál nia naran.
Iha loron espesiál ida-ne’e, mai ita rekoñese:
Agora daudaun ema presiza duni Nasoins Unidas.
Iha ita-nia mundu ne’ebé interligadu badadaun, ita hotu iha buat balu atu fó no buat balu atu manan husi ita-nia serbisu hamutuk.
Mai ita hamutuk, forsa biliaun hitu, hodi tane interese komún globál.
