Ami nia pajina opiniaun semana ida ne’e dedika ba Nasoens Unidas no selebrasaun sira nia loron iha 24 Outubru.
Sekretario Jeral ONU nian nia mensajen tinan ida ne’e koalia kona ba selebrasaun ema nain 7 billioens ne’ebe hela iha mundu tomak. Luar biasa ba Timoroan barak liu iha Timor-Leste tanba iha ne’e ami foin mak liu ema 1 milhaun deit. Atu imajina saida mak signifika karik Timor-Leste hanesan pur ezemplu rai Brazil ho ema 300 milhoens luar biasa duni, imajina deit 300 milhoes Timoroan. No agora atu imajina deit mundu ho ema nain 7 bilhoes ida ne’e estraordinario duni.
Maibe ita selebra aniversario Nasoesn Unidas no ita mos refleta kona ba besik tina 12 prezensa ONU nian iha Timor-Leste.
Ami sei hanoin hetan bainhira ONU nia ema foin tama mai iha Timor-Leste no ami nia hateke ba koru azul ONU nian mak hahu kahur malu ho sosiedade Timor nian atu suporta ami realiza ami nia mehi bo’ot atu sai independente. ONU iha tempu ne’eba maka’as duni no iha proposito no lao ho proposito iha Timoran nia sorin.
Maibe buat ruma akontese desde tempu neba to’o ohin loron, no Durant Timor-Leste sai hosi konflitu ba dezenvolvimentu
Diferensa boot ida mak makes duranate tempu uluk neba ita lao hamutuk, ohin loron tinan 12 liu ona, ami lao ami nian sira lao sira nian.
Maske ema hotu komprende katak iha proposito boot ba ezistensia ONU nian ina mundu, iha Timor-Leste ami senti difikuldade atu komprende sira nia proposito lolos mak saida. Maske missaun ONU nian iha Timor-Leste integradu ami la os koalia kona ba servisu ajensias ONU nian iha Timor-Leste. Missaun ONU nian iha Timor-Leste hateke liu ba laran no servi nia aan rasik no halo ami huhu nia natureza lolos mak saida.
Ami sira ne’ebe servisuiha media iha ami nia reportajen la kobre saida mak ONU halo iha Timor-Leste, ida ne’e katak saida?
Por ezemplu nudar media ami la konhese ONU, ami la hatene se-se mak ami ba hasoru atu husu kona ba ONU. Dala ruma ONU organiza konferensian de imprensa hanesan foin dadauk organiza ida ba loron 24 Outubru ne’be husu jornalistas at ba hasoru iha portaun ONU nian Kompound ita tuku 10:15 dader ate bele tama ba laran. Ida koalia barak ona kona ba ONU nia missaun iha Timor-Leste, wainhira media presiza eskolto atu tama doke hetan liberdade atu kobre notisias. Muru aas no ONU nia nuru nia laran no sosiedade tomak Timoran hosi liur.
Se iha loron 24 Outubru ita hotu selebra loron Naoens Unidas, muru ass no silensio institusional la dun transmiste mensajem espiritu unidade.
