Kompania Mukum Brother no Apalayana servisu hamutuk ho Administrador Distritu no povu local servisu hamutuk hodi halo rehabilitasaun ba estrada Weberek iha Distritu Manufahi, tamba Aldeia Weberek iha potensia bo’ot kona ba agrikultura .
“Ami mai tama no atu halo rehabilitasaun ba estrada ida ne’e ami halo encontru ho komunidade tomak e komunidade Weberek no Dotik rasik mos la fiar katak sei halo rehabilitasaun ba estrada ida ne’e atu diak,” hateten Director Kompania Apalayana Francisco Da Costa Marcal foin lalais (12/010) iha Weberek, Manufahi.
Tuir Director Apalayana da Costa hateten katak ne’e Programa Dezenvolvimentu iha Area Rurais (RDP3 ) hosi Uniao Europa, ninia programa labele uza alat berat maibe tenki uza deit ema nia forsa então ema hotu la fiar katak estrada ne’e sei diak no finaliza.
“Maibe ho esforsu maka’as husi povu ida ne’e duni e ami servisu hamutuk ho diak ho tecniko husi Programa Dezemvolvimentu iha area rurais ne’e (RDP3) bele realiza duni dalan ne’e ho diak hanessan ita hotu hare,” nia hateten.
Momentu halo rehabilitasaun ne’e iha tempo udan kuaze tinan 2 nia laran maka hadia estrada ida ne’e maibe sira konsege finaliza estrada ida ne’e iha fulan 6 nia laran.
Iha Parte seluk Simon Done nudar Engenheiro ba RDP3 hateten ba obektivu hadia estrada mak atu suporta dezenvolvimentu rurais liu assesu dia ba estrada mak importante ba povu nia moris.
“Programa Dezenvlvimentu iha area rurais Nia (RDP3) nia servisu iha estrada Weberek mak hadia estrada inklui Manutensaun forte, Construsaun ba saluran no rehabilitasan. 55 km estrada bo’ot Nasional mak hetan manutensaun no 45 estrada Distritu no rurais mak hadia,” nia hateten.
Mais ou menus uma kain 25,000 mak sei hetan benefisio husi estrada ida ne’e, povu sei hetan asesu diak liu ba setor seluk seluk hanesan educasaun, saude no asesu dalan ba Mercado Dotik.
Total orsamentu hodi hadia estrada no halo manutensaun ba estrada ne’e hamutuk US$4.9 milloens.
