Tuir Ministru Etatal, Arcangelo Leite, katak ezekusaun Orsamentu Jeral Estadu (OJE) ba 2011 ba Ministeriu Administrasaun Estatal atinji ona setenta e tres pursentu.
“Salariu vensimentu atinji 73 pursentu, bens e servisus 85 pursentu, kapital menor atinji 90 Pursentu, kapital dejenvolvimentu 40 pursentu, transferensias 95 pursentu,” hateten Ministru Leite, iha Parlamentu Nasional, Dili, semana kotuk (18/10).
Ministru Letie hatete tan katak OJE 2011 ba Ministeriu Estatal nian nebe mak alokasaun bot ba iha programa dezenvolvimentu desentralijadu ka PDL no mos kontinuasaun ba reforsa orsamentu ba Admistrasaun sukus no mos insentivu ba membru konselu du sukus.
“Iha Kapital Menor iha 2011 hetan alokasaun orsamentu ho montante bot hodi kompras Viaturas ba STAE no mos ba admistrasaun distritus, e subdistritus.”
Ministro Leite mos hateten katka implementasaun OJE 2011, iha kategoria Kapital Menor menus liu kompara ho kategoria seluk.
“Ne’e halai liu ba implementasaun PDD1no PDD2 [Pakote Dezenvolvimentu Distrital].”
“Relasiona programa dejenvovimentu desentralijadu agora iha distritu hotu hotu halao hela, iha distritu balun halao to’o sen pursentu no balun foin halao atinji 15 Pursentu,” haktuir Ministro.
Proposta Orsamentu Jeral Estadu ba 2012 nian hosi Ministeriu Administrasaun Estatal total, $72.014 milhoens.
“Signifika katak, iha aumenta 53 pursentu kompara ho Orsamentu Jeral du Estadu 2011.”
Aumenta osan ida ne’e aloka ba kategoria salariu vensimentu $3.678 milhoens, aloka ba iha area bem servisu $17.835 Milhoens; aloka ba iha kapital Minor $2.496 milhoens; ba kapital dejenvolvimentu $36.496 Miloens ba kategoria transferensia 11 Miloens 509 Mil.
“Orsamentu 2012 ba Ministeriu Estatal nian nebe mak alokasaun bot mak programa dezenvolvimentu desentralizadu hamutuk $33.791 Miloens, alokasaun ba Eleisaun 2012 total 8 Miloens, aloka ba programa dezenvolvimentu lokal $100.517 Miloens no mos kontinuasaun orsamentu ba Admistrasaun ba Sukus, pagamentu ba Membru Konselu du Suku no inklui orsamentu pagamentu ba pesoal apoiu iha admistrasaun du sukus total $5.126 Miloens,” hateten Ministru Leite.
OJE 2012 alokasaun ba vias nasionais mak $4.587.
Entertantu Deputadu, Partidu Sosial Demokratiko (PSD), Mario Viegas Carascalao, hateten katak ezekusaun orsamentu 2011 nian ba iha Ministeriu Estatal ne’ebe hatudu ba Parlamentu Nasional iha variasaun barak.
“Parte Bens e Servisus nian 90 puresentu ona, parte kapital dezenvolvimentu foin mak 40 pursentu,” hateten Deputadu Carrascalao.
Nia hatutan tan katak ezekusaun kapital dezenvolvimentu foin mak 40 pursentu tanba difikuldade ba rai. “Ita hare projetu sira nebe atrajadu ne’e, projetu dezenvolvimentu hanesan infrastrutra ninian mak atrajadu.”
Deputadu Carrascalao mos hateten katak tinan rua liuba nia sei vise primeiru ministru, desizaun nebe mak toma iha Konseliu Ministru mak la bele projetu ida tama mai ho orsamentu problema rai ho problema dezenu nian.
“Kestau ba hau mak ida ne’e, ita nia sistema agora mak la dun preve kompensasaun ba rai nain sira.”
Tuir nia mos katak Konstituisaun RDTL garante rai propriedade privadu ema nia direitu.
“Hau hanoin ezekusaun orsamentu 2011 nian foin mak lao 40 pursentu tanba problema rai signifika katak lao ladia.”
Alende ne’e ,Deputadu Domingos da Costa hateten katak, OJE ba Ministeriu Estatal nian durante ne’e programa lao duni iha distritu sira.
“Ejekusaun Orsamentu 2011 nian konforme ami hetan konsege ezekuta 75 pursentu ona, no balun sidauk maibe razaun balun nebe mak sira hato’o ona ba ami,” hateten Deputadu Domingos.
Nia espera katak ho OJE 2012 nian bele kompleta hotu ona.
