Eskola 28 Novembro, iha Dili, falta faselidades hanesan livrus no mos biblioteka ida iha eskola laran hodi fasilita prosesu aprendizanzen alunus sira nian.
Tuir director eskola 28 Novembro, Domingos Miguel, semana kotuk (10/10), iha servisu fatin fasilidade ne’ebe mak sei falta iha nia eskola mak kondisaun eskola ne’ebe la permiti no presiza tan livrus balun ho lian portugues no bibleoteka ida hodi tau livrus sira iha laran ho seguru.
“Dalaruma materia sira ne’e ami fo kahur malu deit tanba ita hadia ita nia sistematika livru ne’e ho diak I dalaruma sei defisil ouituan. Terseiru ano nia hanorin fali iha primeiru ano tanba ita nia sistema sosiolojia no antropolojia mak hanesan ne’e ona,” Director Miguel hateten.
Diretor Miguel hateten mos katak nia informa ona kona ba nia preokupasaun no kondisaun eskola ba iha Ministerio Edukasaun liu liu kona ba oinsa bele suporta ho rehabilitasaun eskola no mos ajuda sosa tan livrus ba estudantes sira.
Entertantu tuir estudante Alfredo.Fernandes hateten sira sei infrenta faselidade barak maka sei falta hanesa livrus tanba sira terseiru ano ona mestri sira tenke hanorin ho lian portugues deit maibe na realidade material balun sei hanorin ho lian Indonesia.
“Dala ruma ami tuir aula maibe kondisaun eskola la permite ona atu halo prosesu aprendizajen I ami tur iha rai no dalaruma hamrik deit iha aula tanba fatin la iha ba ami atu tur,” hatutan estudante Alfredo kona ba kondisaun eskola ninian.
Nia nudar estudante apela ba Ministerio Edukasaun atu hadia nia eskola hodi labele difikulta sira nia prosesu aprendizasen.
