Problema falta meza no kadeira ba professores no alunus sai nafatin preokupasaun husi professores no estudante sira inklui mos komunidade sira iha Weberek, Manufahi, tamba labarik sira atu tuir prosesu aprendisazen ho diak tenki iha fatin ne’ebe saudavel no sufisiente atu iha loron ikus labele impata sira nia prosesu aprendizasen.
“Ami nia escola ida ne’e sei uza nafatin meza no kadeira ne’ebe iha tempo Indonesia nian ne’ebe sei diak ne’e mak sei uza nafatin,” hateten.
Nia lamenta ho sira nia kondisaun eskola tamba husi tinan 2000 meza no kadeira ne’ebe Govereno Timor-Leste liu hosi Ministerio Educasaun rasik to’o agora seidauk ditribui ba iha escola ne’ba.
Iha parte seluk Chefe Aldeia Weberek, Jose Fernandes, hateten katak problema ne’ebe iha area educasaun nian infrenta mak meza no kadeira no mos armario atu rai livru professores sira nian atu hanorin ba estudante sira mos menus liu .
“Ami mos husu ba Ministru ne’ebe relevante atu fo ajuda hodi educa labarik sira tamba aban bainrua future iha labarik sira ne’e nia liman,” hateten Xefe Fernandes.
