“Ami sei diskute lei kona-ba ida ne’e hodi propoin ba kuarta reuniaun Asembleia Parlamentar iha Angola, rekomenda ba ezekutivu sira nune’e bele implementa,”hateten Deputadu Estanislao da Silva semana kotuk (28/09) iha Uma Fukun,Dili.
Tuir nia, sirkulasaun livre ne’e sei fo vantajen barak ba Timor-leste. “Katak sirkulasaun sidadaun CPLP bele servisu iha sira nia rai e sira mos bele mai servisu iha ita nia rai,nune’e ita Timor bele ba servisu iha sira nia rai,”nia dehan.
Maske nune’e, tenke liu husi akordu legal ne’ebe mak tenke estabelese.”ezemplu sidadaun Timor ida ba iha Angola,tratadu nia hanesan sidadaun CPLP nian, nia iha direitu no garantia tuir lei ne’ebe mak iha,”nia katak.
“Agora dadauk seidauk iha lei atu sidadaun CPLP halo sirkulasaun iha rai CPLP, maibe bainhira iha ona lei sir abele halo viajen maibe tenke hatene lian Portugues, nune’e to’o iha ne’eba bele hetan servisu,”nia informa.
Eis Ministru Agrikultura ne’e afirma, sidadaun CPLP ba nasaun CPLP la presiza ona vistu, mas planu ida ne’e sei lori tempu naruk. “sei halo diskusaun,sei haree mos lei rai ida-idak nian, aplika ka la’e,trata didiak asuntu sira ne’e mak foin bele ba Parlamentu aprova, depois ratifika tiha foin bele halo deslokasaun,”nia esplika.
Iha fatin hanesan Deputadu Francisco Branco hateten maske sirkulasaun sidadaun agora seidauk bele realize maibe planu ne’e preve ona iha programa CPLP nian.
“Sirkulasaun sidadaun CPLP ninian kerdijer sidadaun Timor-leste bele tama iha Angola la iha problema ,no mos sidadaun Angola bele tama iha Timor mos la iha problema,”Branco dehan.
