“Ba rai liur invesde buka esperiensia oinsa servisu iha ema nia rai Korea,barak mos bilan tiha,bainhira sira fila mai maluk sira husu ‘o ba Korea ne’e aprende saida iha ne’eba’ nia lahatene ida,Korea feto oan barak,invesde buka servisu,buka fali feto,”hateten Diretor Albano Salem,semana kotuk (26/09) iha serimonia despedida ho traballador nain 6 ne’ebe desloka ba Korea du Sul,iha Kaikoli,Dili.
Nia hatutan,total traballador Timor Oan ne’ebe oras ne’e dadaun ativu servisu iha Korea du Sul hamutuk nain 559, total lolos husi 2009-2011 iha ema nain 576 maibe 23 pesoas fila tiha mai.
“Sira ne’e kompostu husi mane iha 520 ne’ebe servisu iha area peskas,fabrikasno agrikultura,enkuantu feto iha 62,”nia informa.
Entretantu traballador Constantino de Jesus da Silva , sente urgullu tanba hetan oportunidade hodi bele ba servisu iha Koreano espera katak joven sira seluk ne’ebe seidauk hetan servisu bele tuir sira nia dalan hodi buka moris iha ema rai.
“Hau husu ba maluk sira katak ami ba servisu iha Korea la’os servisu ba ami nia aan deit maibe ami ba halo promosaun Timor-Leste nia naran iha Korea do sul bainhira ami fila mai ami sei aplika skill ne’ebe mak ami hetan iha ema nia rain,”nia dehan.
