Negosiante sira iha area Lesidere oras ne’e dadauk hamamuk a ona fatin ne’eba tanba Governu iha planu atu loke Jardin iha fatin ne’eba.
“Ami sai husi fatin ne’e tanba planu Governu nian hateten ami katak, atu halo ba fatin jardin nian,”hateten negosiante Fernando Jose da Costa , semana kotuk (21/09) iha Lesidere , Dili.
Nia dehan alende halo jardin mos halo mini merkadu iha fatin ne’e tanba governu haruka negosiante sira hamamuk tiha fatin ne’e.
“Hau la dun hatene maibe hau rona katak, fatin ne’e atu loke ba jardin no mos atu loke tan mini merkadu iha fatin ne’e,” nia dehan.
Entertantu Angela da Costa, negosiante tua mutin no sigaru ne’ebe ba-bain fa’an iha fatin ne’e reforsa katak tasi ibun Lesidere governu prepara atu halo jardin no mini merkadu.
“Ami hamamuk fatin ne’e semana rua ona, sira tula fatuk bo-bo’ot sira ne’e mai fakar iha fatin ne’e besik semana rua ona maibe ate agora sidauk halo,entaun ami mos aproveta fa’an provizoriu deit iha ne’e,”Angela katak.
Nia afirma, wainhira konstrusaun mini merkadu no jardin ne’e hotu sira bele fa’an fila-fali iha fatin ne’e.
“Agora ami nia maluk sira fa’an nuu nurak sira hatama tiha ona sira nia kartaun eleitoral ba estadu wainhira konstrusaun ne’e remata sira bele fa’an iha mini merkadu ne’e,”nia hatutan.
Tuir nia, antes governu taka fatin ne’e, lorn id abele hetan US$10,00 husi sasan ne’ebe sirafa’an maibe agora “ami fa’an loron ida tomak mos hetan deit US$5,00,”nia katak.
