Atu prepara diak liu tan feto potensial sira iha Partidu Politiku ba eleisaun jeral tinan oin Organizasaun Naun Govermental ) Rede feto sei fo formasaun ba sira iha Outobru fulan oin .
“Sim, ami sei formasaun ba feto husi partido politiko sira hamutuk ema na’in 75 iha fulan oktober .” hateten Program Manager Caucus-Rede Feto Paula Corte Real,semana kotuk ( 13/09 ) iha nia knar fatin Mascarenhas, Dili.
Tuir nia ,Caucus liu husi advokasia Working group Rede Feto involve Caucus tamba Caucus mak sai hanesan lidera ba working Group ne’e hasoru ona partidus barak maib e Caucus hateten ona Caucus nia Programa ba ParPol sira .
Oras ne’e dadaun Partidus 6 mak sira hasoru ona no hein deit ajenda husi Caucus-Rede Feto atu tuir formasaun.
“Caucus sei hato’o Caucus nia tor , termus de referensia ba Partidus Politikus semana ida ne’e atu nune’e bele iha tempu ba Partido sira para halo preparasaun ba sira nia feto potensial sira,”Paula dehan.
Tanba Feto potensial laos mai husi Caucus maibe mai husi Partidos atu identifika sira nia feto potensial reprezenta husi Distritu , Nasional ne ‘e partido politikus mak sei identifika.
Treinamentu ne’e sei fahe ba faze rua Primeiru sei halao iha Minggu ke II durante loron tolu nia laran ne’e hotu tiha faze Segundo sei tama iha Minggu ke IV fulan Outubru .
Iha parte seluk Deputada Getrudes Monis husi bankada Partidu Demokratika (PD) hateten normalmente antes elisaun Rede Feto mos iha programa fo kapasitasaun ba feto potensial sira ne’ebe mak atu sai kandidatu iha Parlamentu Nasional no mos membru do Governo.
“Antes eleisaun program ne ‘e hala’o husi Rede Feto e la’os deit Rede Feto maibe husi mos ajensia internasionais sira hanesan :UN WOMEN , Servisu hamutuk ho SEPI ( Governo ), hamutuk ho grupu Feto Parlamentar no Komite ida ho ONG internasional sira seluk atu halo preparasaun ba feto potensial sira,”nia katak.
Ne’e sira mak sei deside Komite ne’e sira foin hahu ne’ebe mak nia prezidensial lidera husi Prlamentu Nasional husi grupo mulher Parlamentu mak instera Lidera komite ne’e idepois agora tama hela iha partidu ida ida hatama ninia Programa hanesan Parlamentu Nasional hatama ninnia programa saida mak nia atu halo kapasitasaun ba feto maluk sira ne’e .
“Governo mos hanesan hatama mos ninia planu da aktividade saida mak nia presiza para atu fo kapasitasaun ba feto sira, ida-idak sei hatama ninia planu de aktividades e depois iha ne’eba mak sira halo formulasaun ida para sai nudar planu anual ou planu mensal para sira bele hala’o,”nia afirma.
