Elasiona ho Sekretariu Estadu Eletrisidade Agua e Urbanizasaun (SEAU) ne’ebe hatama ona karta despaixu ba iha Prezidente Parlamentu Nasional atu despaixa deputadu nain 3 ba halo espesaun makina sentral eletrika Betano iha Finlandia, Deputadu Inacio Moreira fo hanoin atu labele hili malu deit.
“Espesaun ne’e la’os hili malu deit maibe iha komisaun kompetente mak hala’o servisu ne’e,la’os ba hare deit maibe hatene mak ba husu,” hateten Deputadu Inacio Moreira, semana kotuk (05/09) iha plenaria PN.
Razaun hato’o kestaun ne’e tanba tuir nia observasaun, durante ne’e buat arak sekretariu estadu halo la los.
Entretantu tuir Prezidenti PN, Fernando Lasama katak Governu labele hili fali deputadu sira hodi ba halo espesaun ba makina.
“Hau hakerek surat ofisial ida ba Sekretariu Estadu sira no Vise Ministru sira sempre diriji ba Primeiru Ministru,depois Primeiru Ministru mak deside se se mak ita atu haruka ba,”hateten Lasama.
Lasama hateten,Sekretariu Estadu Eletrisidade hakerek surat ba iha parlamentu hakerek diretamente deit no hili tan deputadu sira.
“Nasaun foun Ita nia administrasaun foin mak hadia mak tenke hadia ba oin, nia dehan.
