“Maibe loke dalan emerjensia ne’e halo komunidade sira ne’ebe hela besik ponte ne’e sente la seguru tanba rai rahun suar maka’as no bele afeita ba sira nia saude,”kestiona Deputadu Antonio Cardoso, semana kotuk (05/09) iha PN.
Tuir atual Reitor Universidade Dili (UNDIL) ne’e katak orsamentu atu hadia ponte ne’e, Parlamentu aprova ona iha Orsamentu Jeral 2009 nian maibe to’o agora governu seidauk hadia.
“Hau hare iha familia uma kain ida ne’ebe hela besik kuaze metro 3 deit husi ponte ne’e, loron-kalan han deit rai rahun no ida ne’e bele prejudika ba sira nia saude,”nia dehan.
Entretantu Prezidente Komisaun G Parlamentar, Pedro da Costa Martires hateten orsamentu atu hadia ponte Bucoli ne’e tama iha fundu infraestrutura nian. “Maibe montante hira hau lahatene,”.
“E tuir informasaun ne’ebe ami simu husi Sekretariu Estadu Obras Publiku, katak dezenu ba ponte ne’e mak seidauk remata,”nia dehan.
Maske nune’e, nia parte kontinua ejiji ba governu oinsa para bele hadia lalais ponte ne’e nune’e bele normalize fali sirkulasaun iha parte leste nian.
