Governo liu husi Ministerio Educasaun sei haruka professores hamutuk na’in 28 atu ba tuir formasaun iha Portugal durante fulan ida.
“Sira na’in 28 ne’e sei ba iha Universidade Aveiro Portugal durante fulan ida ho balun atu halo observasaun iha ne’eba , halo estudu komparativo ba escola sira, e fila-fali sei sai fali formador ba sira nia maluk professores sira seluk,” hateten Diretor Kurikulum Nasional, Raimundo Jose Neto semana kotuk iha Vila Verde, Dili.
Professores na’in 28 ne’e mesak Timor oan deit kompostu husi mane no feto, sira ne’ e la’os husi Ministerio Educasaun mak hili maibe malae sira husi Portugal mai halo enkontru ho sira mak hili sira.
“Sira recomenda naran husi feto sira ba iha Ministerio Educasaun no Ministerio kontaktu ho sira maibe feto sira ne’e balun iha halangan ( defikuldade ) prontu ami subtitui fali mane sira no feto sira ne’ebe mak hakarak ba, sira ba iha 1 Outubru,” nia informa.
Agora dadauk husi Ministerio trata hela sira nia viazen “ ami sei husu tulun ba diresaun protokolu atu bele urus sira nia viza ba Portugal ho Indonesia nian . Dia 1 de Outubru sira sai husi Timor sei mai fali iha dia 6 de Novembro.
Iha Parte seluk Francisco da Costa Fernandes, Secretariu Jeral Sindikato Professores Timor-Leste (SPTL) hateten ida ne’e kompetensia Ministerio nian atu halo selesaun ba profeessores nain hira ne’e para atu ba prepara kurikulum ba future.
“Maibe ami husi SPTL la hetan informasaun kona-ba ida ne’e,”nia katak.
