Membru Parlamentu Nasional husi bankada opozisaun lamenta ho kondisaun edifisiu Kamara Munisipiu distritu Oe-Cusse ne’ebe oras ne’e abandona husi governu hodi sulan fali animal sira iha laran.
“Ita hare edifisiu Kamara Munisipiu iha Oe-Cusse ne’ebe governu halo tiha, agora sai fatin refujiadu ba animal sira,”hateten Deputadu Francisco Branco husi bankada Fretilin iha deklarasaun politika bankada nian, semana kotuk iha PN.
Tuir nia,situasaun ida ne’e akontese tanba laiha atensaun husi governu liu-liu governu local Oe-Cusse nian. “Ne’ebe hau hanoin ita koalia kona-ba dezenvolvementu halo uma andar bar-barak kompletu ho eletrisidade maibe governu la tau importansia entaun hanesan deit,”nia katak.
Iha fatin hanesan tuir Deputadu Adriano do Nascimento katak, edifisiu ne’e halo tanba prepara ba implementasaun KM iha distritu 4 inklui Oe-Cusse iha 2013.
“Tanba seidauk implementa entaun edifisiu ne’e sei mamuk,”nia dehan.
Tuir nia, implementasaun KM presiza duni nune’e bele fahe servisu iha nivel nasional ba local e distritu 4 ne’ebe implementa uluk iha faze primeiru mak Distritu Baucau, Bobonaro,Dili no Distritu Oe-Cusse.
Entretantu Prezidente PN, Fernando Lasama de Araujo husu ba Administrasaun Distritu Oe-Cusse atu uza lai fati ne’eba nune’e animal labele estraga.
“Se la’e hanesan ohin dehan ne’e bibi mak toba fali iha uma ne’ebe mak prontu tiha ona,”Lasama sujere.
Enkuantu bainhira jornalista koko konfirma asuntu ne’e ba iha Ministru Administrasaun Estatal Ordenamentu do Teritoriu (MAEOT) Arcangelo Leite maibe la konsege tanba laiha fatin
