Tuir Membru Komsiaun F Parlamentar, Francisco de Araujo, Ministru Edukasaun (ME) inkapasidade atu hare problema edukasaun ne’ebe kontinua sai preokupasaun tanba eskola barak mak infraestrura aat inklui fasilidade eskola ne’ebe sei menus.
“Kada fulan 3 ami sempre bolu ministru mai responde iha komisaun maibe ministru responde katak buat hotu diak maibe realidade eskola barak mak laiha fasilidade eskola nian,” lamenta membro Komisaun F, Francisco de Araujo, semana kotuk iha Uma Fukun.
Nia parte hato’o kestaun ne’e depois de halo fiskalizasaun iha baze hare katak eskola barak infraestrutura aat inklui menus fasilidade.
“Ami hare eskola barak laiha haris fatin, livrus, kuadru, programa merenda eskolar sai problema nafatin, laiha meja-kadeira, manual ba profesores sira laiha, kursu intensive ne’ebe ministeriu hala’o mos sai problema, foti kursu jeral deit latuir artimatika ne’ebe ita nia kurikulu implementa,” Virgilio preokupa.
“Ami la konkorda ho liafuan ministru nian dehan buat hotu la’o ho diak, la’o ho susesu, maibe susesu ida ne’e ho teoria deit, iha pratika edukasaun iha Timor-leste sai problema nafatin,”nia dehan.
Tuir nia, relasiona ho eleisaun jeral ne’ebe besik ona, Ministru Joao Cancio tenke iha responsabilidade ba governu foun ne’ebe sei mai.
Entretantu tuir Francisco da Costa, Sekretariu Jeral Sindikatu Professores Timor-Leste ( SPTL ), katak maske governu aloka $42 mil e tal ba setor edukasaun nian maibe realidade problema eskola nunka resolve.
“Hau nudar professores ida sente triste tanba orsamentu ba Ministerio Educasaun bo’ot teb-tebes maibe realidade estudante balun kontinua tur deit iha rai hodi tuir prosesu aprendizasen no mos kondisaun escola ladiak,”nia preokupa.
Tuir nia, atu garantia kualidade ensino nian, la’os deit Profesores sira maka tenki domina lingua maibe kuando fasilidade la kompletu bele fo impactu la diak ba estudante sira nia estudu
