Tuir Secretario Estadu Seguransa (SES),Francisco Guterres katak prova selesaun ba membru Polisia Nasional Timor-Leste (PNTL) foun sira ne’ebe hahu iha 17 Jullu remata iha 29 de Agostu 2011.
“Prova sira hotu ba selesaun iha karakter eliminatorio no kandidatu ne’ebe , halao prova hirak ba selesaun karik konsidera la aptu sei la husik tama tan ba prova selesaun tuir mai,” informa Secretario Estadu Seguransa Francisco da Costa Guterres,semana kotuk iha Akademia Polisia Comoro,Dili.
Tuir nia, kandidatu sira ne’ebe hala’o ona prova selesaun mak kandidatu sira husi Distritu Aileu, Ainaro,Baucau, Bobonaro, Covalima , Dili, Ermera, Lautem , Liquisa no Oe-Cusse e agora hala’o ba kandidatu husi Distritu Manatuto no Manufahi.
“Prova kandidatu sira konsideradu aptu iha prova nen ( 6 ) ba selesaun kultura , aptidaun fisika , psikolojika , intervista profesional ba selesaun, medika no dokumental hela iha situasaun aprovadu iha konkursu publiko ba admisaun kursu Formasaun Ajente PNTL,” nia informa.
Husi rezultadu ne’ebe hetan iha semana tolu nia laran ne’e tuir periodu 17 -12 Agostu, hetan kandidatu sira ne’ebe prezente 1220 , kandidatu la aprovadu 858 ,no aprovadu iha 362.
Ho realizasaun selesaun prova hirak ne’e pretende selesiona 250 kandidatu sira ne’e aptu liu iha aspeto -kultura , fisiko , psikolijico no saude atu hetan liu garantia ba suseso iha formasaun tecniko -profesional ne’ebe pretende implementa ba ajente foun sira no mos kontribui ba dezenvolvimentu instituisaun PNTL .
Entretantu komisaun ba testu fiziku,Fatima Maria Martins Margues, hateten kandidatu nain 62 mak tuir test fisik no iha grupu 4 ho koordenador kada grupu ida, husi primeiru test fisik ne’e pasa na’in 13,II faze nain 15 no III iha psicotekniku pasa hotu.
“Enkuantu sira na’in 12 ne’ebe la pasa la’os ami mak halo sira la pasa maibe tanba sira nia esforsu aan labele ami labele obriga sira se la diak ami labele hatama sira ho sira nia nilai ( valor ) ne’ebe la diak tamba presiza saude diak no fisik diak mak tama,” nia esplika.
Agora halo hela test metade ba kandidatu husi Distritu Manatuto no Manufahi tanba Distritu rua ne’e mak seidauk.
Celino Soares, kandidatu ida ne’ebe lakon iha testu ne’e hateten formasaun no provas ida ne’e hanesan esperiensia ida ba nia e iha futuru bele hadia liu tan.
“Hau lakon tanba haksoit moru labele no arame kaet hau nia ain tan ne’e mak hau monu tun fali maibe ba hau manan ka lakon hanesan, importante hau iha ona esperiensia e ba futuru hau bele liu fali,”nia esperansa.
