Durante tinan 2011, kazu ne’ebe rejistu iha Tribunal Distrital Baucau (TDB) hamutuk 154 kazus,kompostu husi kazu krime ordinario iha 139 no kazu sivil iha 15 kazus.
“Kazu hirak ne’e balun halo ona julgamentu iha 43 e balun ne’ebe seidauk iha 96, tanba sei hein rezultadu investigasaun,”hateten Sekretariu Judicial TDB, Agusto Soares, semana kotuk iha Baucau.
Tuir nia , tipu kazu krime mak hanesan ofensas korporais , violensia domestika , homesidu , baku malu , no kazu violasaun seksual ladun barak.
“ Kazu krime ne’ebe barak liu mak ofensas korporais , Violensia Domestika enkuantu kazu violasaun seksual iha ida rua deit,” Soares dehan.
Entretantu bainhira jornalista koko konfirma asuntu ne’e ba iha juiza Edite Palmira dos Reis iha TDB, maibe lakonsege tanba okupadu.
