Tuir Comandante Servisu Investigasaun Criminal (SIC) Distritu Baucau, Rozeiro dos Reis, katak durante Janeiro to’o Maiu kazu ne’ebe rejistu iha SIC hamutuk 190 kazus enkuantu iha Prokuradoria hamutuk 99 kazus.
Tuir nia, kazu sira ne’e mak hanesan kazu ofensas korporais grave, abuzu seksual, violasaun seksual, abuzu seksual ba minoridade, mate ruin, violensia domestika, na’ok, sunu uma, ameasas, tesi ai kameli, tenta oho malu.
“Entre kazus hirak ne’e balun halo ona investigasaun no balun seidauk,” informa Komandante SIC, Rozerio dos Reis,semana kotuk iha Baucau.
Enkuantu kazu ne’ebe rejistu iha Junu iha 27 kazus no iha Jullu iha 30 kazus no iha fulan Agustu nian SIC seidauk rejistu.
Iha parte seluk Komandante Polisia Distritu Baucau Superintendente Xefe Faustino da Costa hateten kazu ne’ebe rejistu durante fulan Maio iha sira nia fatin hamutuk 35 kazus.
“Kazu sira ne’e mai husi Sub-Distritu 6 ne’ebe hola parte iha Distritu Baucau mak sub-distritu Baucau Vila , Baquia , Laga , Vemasse , Venilale no sub-distritu Quelicai,” da Costa informa.
Tuir nia, entre kazus hirak ne’e, iha kazu rua mak kategoria todan e agora hein mandate husi Tribunal atu halo kapturasaun ba suspeitu sira.
Entertantu bainhira jornalista koko konfirma asuntu ne’e ba iha Prokuradoria Distritu Baucau nian maibe lakonsege tanba laiha fatin.
