Atu asegura feto durante eleisaun jeral 2012, atu labele afeita konflitu ruma ba feto maluk sira, FONGTIL sei desimina informasaun liu edukasaun ba sivika ba komunidade sira.
“tanba ita hatene katak dalabarak mosu konflitu tanba ema ladun hetan informasaun kona-ba oinsa mak feto sir abele uza nia direitu atu tuir votasaun,tanba ne’e edukasaun sivika ne’e importante,” hateten Diretora Forum NGO Timor-leste (FONGTIL), semana kotuk iha SEntru Konvensaun Dili, Kaikoli,Dili.
Tuir nia, dalabarak violensia ne’ebe kria husi mane sira halo feto mak sai vitima tanba ne’e presiza halo edukasaun sivika ba sira.
“Desimina informasaun liu husi pamfletu, halo workshop, bulletin, ami iha ami nia rede ne’ebe kobre iha distritu sira,sira sei halo buat sira ne’e, nune’e komunidade,liu-liu jovens sir abele iha konesementu kona-ba eleisaun nian,”Granadeiro katak.
Entretantu tuir Membru Board Rede Feto, Paula Corte-real, katak feto TL tenke iha konesementu klean kona-ba sistema tomak liu-liu sistema eleisaun nian e mos tenke iha konsiensia katak sira votu importante.
“Tanba sira nia votus fo kontribuisaun ba prosesu dezenvolementu iha Timor-Leste e liu-liu tenke tau importansia ba asuntu feto nian, tanba dalabarak maske sira reprezenta husi partidu maibe asuntu feto sira ladun fo interese,”Paula preokupa.
Tuir nia observasaun, katak oras ne’e dadauk feto timor barak mak iha ona kapasidade atu sai lideransa no bele ona koalia iha publiku.
“Ita hare realidade katak ita nia feto maluk sira ne’ebe oras ne’e sai Deputada, Ministra no Sekretaria Estadu, sira bele ona no hatudu duni katak sira fokal duni bainhira halo debate ruma,”nia observa.
Tanba nia parte husu ba feto maluk sira ne’ebe involve iha partidu politiku katak “labele tauk atu espresa imi nia kapasidade, imi nia matenek liu-liu luta nafatin atu oinsa mak bele foti asuntu feto nian iha setor hotu-hotu,” nia fo lia menon.
