Relasiona ho bis husi parte leste nian ne’ebe durante ne’e hala’o operasaun hodi tula pasajeiru iha Lesidere, Staf Senior Trafic Light Diresaun Nasional Transporte e Terestres (DNTT) Joao Eugenio C.da Silva hateten terminal lolos iha Becora.
“Terminal bis iha Becora, komu iha 2006 mosu krize lorosa’e no loro monu, dalan Becora nian taka, entaun bis sira ne’e para no buka pasajeiru iha Lesidere maibe ne’e la’os terminal,”hateten Staf Senior Trafic Light, Joao Eugneio da Silva,semana kotuk iha Balide,Dili.
Tuir nia, fatin ne’ebe sira uza ba buka no tula pasajeiru husi distritu parte leste nian, ne’e fatin atu fa’an ikan nian.
Iha parte seluk Eldito Freitas Gusmáo, nudar negosiante roda tolu iha fatin ne’eba hateten fatin ne’e bele uza ba terminal tanba vendedor ikan la utilize fatin ne’e.
“Tanba ita hare durante nee vendedor sira barak liu mak fa’an ikan iha Sede ASDT nia oin duke fa’an iha uma oan ne’e,entaun husik bis sira para iha ne’e,” nia dehan.ν
