Ekipamentus pezadus ne’ebé Governu sosa iha tinan kotuk oras ne’e abandona iha Institutu Jestaun Ekipamentus no seidauk halo distribuisaun tanba sei hei espesaun.
Ekipamentus hirak ne’e mak hanesan trator, escavador, silindru no kareta lubuk ida mak paradu iha fatin ne’eba.
Tuir sekuriti Guardamor ne’ebé halo kontrola ba fatin ne’e, katak ekipamentus hirak ne’e seidauk bele fahe ba distritu sira tanba seidauk halo espesaun.
“Trator sira ne’e seidauk dsitribui tanba sei hein halo espesaun no makina atu tein alkatraun seidauk mai hotu, maibé iha fulan ne’e nia laran bele ona distribui,”hateten Sekuriti Marcos da Costa, semana kotuk iha Colmera,Dili.
Tuir nia, ekipamentu sira ne’e balun fahe ona ba distritu hodi hadia estrada sira e balun seidauk e espera katak iha tempu badak nia laran bele fahe ona liu-liu fahe ba distritu ne’ebé seidauk hetan.
Entretantu tuir Deputadu Aderito Hugo, katak maske tinan-tinan Parlamentu aprova orsamentu bar-barak atu hadia estrada maibé osan ne’e uza de’it ba halo manutensaun.
“Estrada ne’ebé mak agora dadauk ita utilize ne’e la’os ita mak halo maibé uluk Indonezia sira mak halo hela e to’o agora seidauk halo foun,”nia dehan.
Tanba ne’e govenru sosa ekipamentu hirak ne’e nune’e bele hadia no haluan estrada sira iha teritoriu tomak.
Entretantu bainihra jornalista koko konfirma asuntu ne’e ba iha Vise Ministru Infra estrutura, Jose Manuel Carascalao, maibé lakonsege tanba laiha fatin.
