[dropcap cap=”S”]emana ida ne’e ami congratula Governu ne’e kona ba nia inisitiva no servisu diak.
Editorial badak ne’e refleksaun ida kona ba lia-fuan Primeiru Ministru Kairala Xanana Gusmao iha nia diskursu iha okaziaun ba tomada de posse funsionarius publikus –tuan-foun nain 13,327, ofisial Administrasaun Publika temporariu ne’ebe iha 1 Julhu 2011 ba oin sai permanente, no balun hafoin besik tinan sanulu servisu ho kondisoens servisu la dun klaru, hetan sira nia direitu ba emprego estavel, renumerasaun los, no mos kondisoens servisu ‘adekuadas’, no mos oportunidade atu hetan avansu iha sira nia kareira professional.[/dropcap]
Ami senti katak momentu importante tebes ba funsionarius publikus permanentes 13,327 ne’ebe hetan sira nia konversaun hosi staff temporario ba permanente hosi loron 1 Julhu tuir Rezolusaun (No.42/2010) aprova iha Novembru 2010 hosi parte governu nebe fo sai Politika atu konverte ofisiais Administrasaun ba Serventes Publikus permanente.
Maibe ida ne’e mos liu hosi prosesu ida ne’e hahu iha Janeiru 2011.
Karik konversaun ida ne’e mos diak no mos susar oituan ba serventes publikus permanents tanba maske sira nia estatu profisional agora klaru ona maibe ida ne’e mos mosu ho avizu ida atu sira halao sira nia servisu diak liu tan selai la bele garante katak sira sei hetan duni konversaun permanente.
PM Gusmao iha parte ida congratula serventes publius foun, maibe nia mos fo avizu bo’ot ida ba sira, “Maibé, ha’u hakarak husik claro iha né, katak funcionários públicos foun sira né, tenke prova katak sira merece tebes duni oportunidade boot, nebé agora fó ba sira.”
Ida ne’e katak teknikamente funsionarius publikus seidauk permanent lolos tanba sei tenki liur hosi periodu probativu fulan sanulu resin rua no katak sira tenki halao servisu diak liu, liu hosi demonstra sira iha kualifikasoens no abilidades ne’ebe presiza iha atu halo ida ne’e.
Nune katak ami senti karik iha fula sanulu resin rua atu mai ne’e ita sei haree mudansa ba diak boot ida kona ba servisu Funsionalismu Publiku iha Timor-Leste. Sistema ne’ebe agora iha hela la favorese dezenvolvimentu nasional no presiza muda ho urjente nune ami kontente tebes katak governu foti no fo passu importante ida ne’e atu hadia nia.
Maibe ita tenki hein atu hare’e se bele duni ka la’e maibe ami iha esperansa katak hafoin fulan sanulu resin rua mudansa barak no diak sei akontese iha Sektor Publiku. Maibe karik seidauk akontese ita mos hein katak sira ne’e hetan poder iha tinan oin iha sabedoria naton atu fo passu segundu importante tebes no ida ne’e atu hasai ai-fuan dodok hosi bukai funsionalismu publiu.
Maibe iha semana ne’e ami congratula governu ba inisitativa diak ida!
