Polisia munisipiu Dili kontinua halo pasa revista ba kareta estadu durante tempu kampanha elisaun antisipada (EA) nian, tanba funsiunariu publiku balun uza la tuir regras.
Segundu Komandante Polisia munisipiu Dili, Superientendente Asistente Euclides Belo hateten pasa ravista ba kareta estadu polisia halo nafatin hodi kontorla movimentu tranzito seguransa roda viaria nian.
“Proibidu ba kareta no motor estadu nian atu tuir kampanha, polisia so autoriza deit mak sira neébe iha guia de marsa halo observasaun ka halo monitorizasaun ba prosesu kampanha,” nia hateten, iha Dili.
Ba sira neébe mak utiliza kareta estadu ba intrese privadu (ba pasiar ka ba merkadu), nia dehan ida ne’e polisia hetan sei kaptura sira.
Iha semana kotuk, nia hateten Polisia konsege prende kareta estadu hamutuk walu (8).
“Ami sei halo rigorozu kada semana para funsionariu sira utiliza kareta estadu nian tenke tuir regras, labele uja tuir sira nia gostu,” nia dehan.
Entretanto komunidade Zeojinho Pereira, hateten polisia tenke halo kontrolasaun maximo ba funsiunario sira ne’ebe utiliza kareta estado hodi halo atividade kampanha ka ba sira nia interese pesoal.
“Husu ba Polisia Nasional Timor-Leste, li-liuba seksaun Tranzito tenke halo pasa revista ba kareta estadu ne’ebe mak ema uza fora husi oras serviso nian,” nia sujere.
Kuandu haree hetan funsiunariu publiku sira uza kareta estadu for a husi oras servisu nian, nia husu atu polisia prende tiha sira.
