Organizasaun Childfund iha Timor-Leste fo formasaun kapasitasaun ba jovens unemployment,liu-liu sira ne’ebe drop out school kona ba karpintaria nian iha sub-distritu Maliana.
Prezidente no Chief Executive Office (CEO), Anne Lynam Goddard, hateten ne’e hanesan projetu ki’ik ida ne’ebe oferese jovens sira ne’ebe laiha servisu.
“Ami iha jovens 15 mak gradua ona no agora ami iha tan jovens 15 iha second class,” Prezidente no CEO Childfund, Lynam Goddard hateten, iha Hotel Ramelau, Aimutin, Dili.
Iha treinamentu ne’e, nia dehan, formador sira produs furnitures hanesan meja-kadeira,armari noa seluk tan ho kualidade diak.
Nia hateten, organizasaun Childfund mos apoia joven sira ekipamentus hanesan kado ai uja listrik, bainhira kursu remata sir abele uja makina ne’e halo rasik iha sira nia uma.
Antes ne’e nia hateten, sira fo uluk ona formasaun kona ba komputador no lian Ingles nian, maibe haree ida ne’e ladun ajuda sira, entaun loke fali formasaun karpitaria nian.
Entretantu Diretor Jeral Sekretariu Estadu Politika Formasaun Profesional no Empregu (SEPFOPE), Jacinto Barros Gusmao, rekonese katak sira iha koordenasaun servisu ho Childfund hodi loke sentru ida iha Maliana.
Maibe nia dehan, la’os deit iha Maliana, mos iha distritu Covalima-Suai, Same, Ainaro inklui distritu Manatuto.
“NGO Childfund fo apoia ekipamentus ba formador sira, nune’e bainhira remata sira nia kursu, sir abele halo rasik ho ekipamentus ne’e’be iha,” DJ Gusmao hateten.
Nia dehan, programa governu nian Programa Nasional Dezenvolvementu Sukus (PNDS) ne’ebe implementa presiza bada’en barak.
Kona ba sentru formasaun iha Maliana, DJ Gusmao dehan, sira seidauk fo apoiu tanba NGO Childfund fo ona formasaun no ekipamentus ba sentru ne’e.
“Ita prevene labele sentru ida hetan apoiu rua to’o tolu, iha ne’eba ami tau deit ekipa monitorizasaun atu garantia nia estandar formasaun hanesan ho sentru seluk, nune’e sira halo servisu karik iha kualidade diak,” Gusmao dehan.
