Diretor Komisaun Temporária Jestaun no Funsionamentu SAMES E.P, Odete Maria Freitas Belo, hateten oras ne’e dadaun sira esforsu an atu hadia kondisoens instituisaun atu kontinua servisu hanesan Empreza Publiku. 
Nia dehan, iha aprezentasaun trelatorio ekipa temporario SAMES nian ba konseilho ministru iha fulan Julho liu ba hetan aprovasaun husi Primeiru Ministru, katak SAMES nafatin sai empreza publiku maibe presiza hadia kondisoens balun ne’ebe mesiona iha relatorio laran.
“Ami rekomenda hanesan empreja publika iha tempu halo aprejentasaun hetan aprovadu entau ami sai mai laos halo tan relatorio maibe prepara kondisaun hodi implementa servisu hanesan empreja publika,”Dehan DJ SAMES iha nia servisu fatin Kampung Alor Dili.
Nia informa, katak kondisoens ne’ebe presiza hadia mak hanesan hadia jastaun finanseirus aprovizionamentu no armajenamentu.
Alem de ne’e, nia dehan, sira mos sei halo revizaun ba lei ruma relasiona ho lei aprovizionamentu no estatutu, tanba estrutura ne’ebe durante ne’e la’o la supporta servisu SAMES hanesan empreza publika.
“Improtante mak regime espesial aprovizionamentu no estatutu los ona karik ami mos bele halo revizaun ba regulamentu internu SAMES nian, ami buka tempu hato’o fali ba Primieru Ministru,” nia dehan.
Iha oportunidade ne’e nia mos informa rezultadu nia vizita trabalho ba iha Singapur no India ne’ebe apoiu husi kompania SDV Dili atu hare besik sistema armazenamentu aimoruk no jastaun aimoruk iha Singapur no India atu bele implementa iha rai laran tanba kompania SDV Dili iha interese atu supporta SAMES liu –liu hadia armazen.
Alem de ne’e, ekipa delegasaun SAMES mos vizita fabrika aimoruk iha India hodi hare besik prosesamentu fabrika aimoruk.
Entretantu Membru Parlamentu Nasional, Deputada Ilda Maria da Conçeicão konsidera SAMES iha buat balun ne’ebe lao diak ona bainhira restruktura tiha iha balun ne’ebe presiza hadia mos importante mak vontade ema ida-idak nian atu servi.
Nia mos sujere ba iha lideransa SAMES atu kria planu ida ne’ebe diak hodi asegura aimoruk ba iha fasilidade saude hotu atu fo atendimentu ba komunidade sira.
“O bele matenek to’o iha ne’ebe deit maibe o laiha vontade mos, o nia matenek ne’e sei la halo buat ida,” Deputada Ilda katak.
