Xefi Suku Kaikoli, Hipolito Marques Sarmento ameasa sei sobu uma ne’ebe halo iha bee dalan iha area Kaikoli nian, tanba bainhira tempu udan, bee sempre sa’e no tama to’o iha komunidade sira nia uma laran.
“Hau rasik la’o ho Vise Primeiru Ministru la’o, iha tempu ida ita sei sobu ao mesmu tempu komunidade sira mos aseita katak bele sobu,” Xefe Suku Sarmento dehan, iha Kaikol, Dili.
Kona ba ida ne’e, Xefe Suku Kaikoli ne’e dehan, nia hato’o ona ba iha komunidade no husu ba sira atu labele halo uma fatin ne’ebe mak kategoria perigu hodi hamosu inundasaun.
“Sira hanesan buat ida hanoin liu tiha ona halo iha baleta leten, mais ami sei sobu,sira mos konkorda katak,karik governu dehan sobu bele sobu,” Xefe Sarmento katak.
Entretantu komunidade Kaikoli, Jose de Jesus konkorda atu sobe uma ne’ebe halo iha bee dalan, nune’e labele hamosu inundasaun bainhira tempu udan.
“Tempu udan ami komunidade Kaikoli iha deit bee laran, tanba baleta sira ne’e ema okupa hotu, entaun bee intupidu,” Komunidade ne’e preokupa.
Komunidade ne’e mos husu ba governu atu sobu lalais ona uma hirak ne’e, tanba baleta Kaikoli kuaze komunidade sira okupa hotu hodi halo uma.
Iha parte seluk Deputadu Eladio Faculto, dehan sidade Dili komesa klo’ot ba beibeik ona, tanba kuaze ema estranjeiru sosa hotu ona rai iha Timor, enkuantu komunidade sira halo um ahotu iha foho lolon.
Maibe ida ne’e, tuir nia, perigu ba komunidade sira nia vida. “Hau mos eskola iha UNTL, ami ba halo peskiza duni, hau hare iha Lahane ne’eba, iha uma kain lubuk ida mak perigu tebes,” Depuadu Faculto kestiona.
Nia esplika,ema ne’ebe mak iha osan pelomenus halo uma ne’ebe mak ho kondisaun maibe ema ne’e mak la iha osan ba halo uma iha foho lolon sira dudu bosok deit hodi halo uma wainhira tempu udan iha ameasa nia laran.
“Ami nia hare’e mos konaba baleta,baleta iha mais so ke be’e sira metin tiha iha fatin tiha hotu,entaun tempu bailoron ema soe tiha foer sira ne’e iha larankuandu tempu udan mai buat sira ne’e sasorut be’e tama fali ba iha ema nia uma laran,”Faculto informa.
Tanba ne’e nia husu ba governu tenki halo estudu ida no mos fo solusaun ba problema ne’e.
“Kuandu ameasa vida ne’e se mak sei lori todan,estadu mak lori todan, tanba governu la fo atensaun ba nia komunidade sira,” Deputadu Faculto hato’o.
