Planu governu atu monta foun lampu sinais tranzitu iha capital Dili, tuir Ministru Transporte no Telekomunikasaun, katak agora hein deit para lori dokumentus konstrusaun nian ba iha Tribunal de Kontas hodi hare.
Ministru Pedro Lay da Silva hateten, Tribunal de Kontas (TRIBUTAS) tenke hare dokumentus konstrusan ba sinais tranzitu ne’e tanba orsamentu ne’ebe aloka ba projetu ne’e ho montante bo’ot, iha $15,000.
“Ne’ebe nia prosesu agora la’o hela e tribunal kontas hare tiha mak foin bele asina kontratu,” tenik Ministru Transporte no Telekomunikasaun, Pedro Lay da Silva, foin lalais, iha Kaikoli, Dili.
Entretantu Diretor Nasional Transporte e Terestres (DNTT), Silvestre Basilio de Oliveira dehan, lampu tranzitu iha capital Dili kuaze ke at hotu ona.
“So ke iha Colmera nian ne’e mak sei funsiona, restu at hotu,” katak Diretor DNTT ne’e.
Nia dehan, lampu hirak tuan, dede okupasaun Indonezia nia tempu no to’o agra seidauk troka tanba ne’e barak mak la funsiona ona.
Tanba ne’e nia dehan, husi parte DNTT agora hein deit husi Ministeriu Transporte no Telekomunikasaun kona ba implementasaun projetu ne’e.
“Hau la hatene bainhira mak atu halo manutensaun ba lampu sira ne’e, e ami hein deit husi ministru,” tenik Diretor DNTT ne’e.
