Bazeia ba peskiza ne’ebe Fundasaun Alola (FA) hala’o iha tinan 2004 ba fatin prostitusaun deskobre katak maioria feto ne’ebe tama iha vida ne’e tanba problema ekonomia uma laran, laiha kampu servisu inklui laiha oportunidade atu asesu ba edukasaun.
Tanba ne’e Jerente Programa Advokasia FA, Alzira Reis husu atu labele hare protituta sira ho matan sorin deit maibe buka solusaun oinsa mak bele rezolve asuntu sosial sira ne’e.
Nia mos preokupa ho implementasaun artigu 174 Kodigu Penal ne’ebe koalia kona ba explorasaun seksual ba ema seluk tanba ne’e krime maibe realidade ema (germo) sira kontinua organiza aktividade prostituisaun.halo tindakan ne’ebe tegas ba sira tanba sira ne’e mak organiza no halo esplorasaun, ne’e krimi,” preokupa Jerente Programa Advokasia Fundasaun Alola, Alzira Reis, foin lalais, iha Mascarenhas, Dili.
Nia mos lamenta ho Polisia Nasional Timor-Leste (PNTL) durante ne’e la halo atuasaun ba germo (ema ne’ebe organiza aktividade prostuitisaun) sira ne’ebe esplora ema hodi tama iha vida ne’e.
“Tanba tuir lei prostituisaun la’os krimi maibe ema ne’ebe organiza mak krimi,” tenik Jerente Programa Advokasia FA ne’e.
Iha parte seluk, Deputada Ilda Maria da Conçeicão hateten se deit mak organiza aktividade ne’e tenke prosesa tuir dalan legal nian tanba ne’e krime.
“Hau hanoin se deit mak organiza tuir Lei Kodigu Penal tenke hetan kastigu tanba aproveita ema nia inosensia, liu-liu labarik sira la hatene ba lohi hodi fo servisu, lori fali ba vida ida ne’ebe nia lukru ba fali organizador sira,” dehan Deputada Ilda.
