Membru Parlamentu Nasional preokupa ho orsamentu subsidiu ba Xefe do Suku sira ne’ebe atraza durante fulan neen tanba sira mos iha familia.
Deputada Brigida Correia levanta asuntu ne’e iha plenaria hafoin simu lamentasoens husi Xefe Suku Salamon da Cruz husi Maliana foin lalais ne’e.
“Sira preokupa tanba sira mos iha familia,se wainhira atraza ne’e sei fo impaktu ba sira nia moris loro-loron nian,” levanta Deputada Brigida Correia, (18/02), iha Parlamentu Nasional.
Tanba ne’e nia husu ba Ministeriu kompetente atu tau atensaun ba problema ne’e ho urgentemente.
Hatan ba preokupasaun ne’e Ministru Estatal,Jorge da Conceicao Teme katak, pagamentus ba Xefe Suku sira hala’o kada fulan neen nia laran.
“Problema ne’e atrazu tanba xefe du sukus balun seidauk hatama relatoriu entaun seidauk bele selu,” Ministru Teme esplika.
Tanba nia apela ba Xefe du Suku sira katak simu tiha ona osan,uza tiha osan ne’e tenki halo relatoriu atu nune’e labele impede ba osan nebe mak tempu determina tiha ona.
