“Obra ne’e sei halo iha fulan Fevereiru ne’e, obra ne’e sei halo husi komphania joro konstruksaun” dehan Xefe Ponte Dirasaun Nasional Ministeriu Obras Publik (MOP) Abrao Vierra, iha nia knar fatin, (11/02).
Tuir nia, material ne’ebe mak sei uja ba obra ne’e, balun sei mai husi Indonesia no balun sei uja material iha rai laran.
“Rai henek no fatuk sira ne’e uja iha rai laran, no hanesan besi sumenti ne’e sosa iha Indonesia” dehan Xefe Ponte ne’e.
Nia mos hatutan katak, konaba progresu husi kompania ne’e rasik agora to’o ona iha ne’ebe sira la hatene tanba seidauk simu relatoriu husi kompania.
“Sira halo dadaun obra ne’e ona, maibe sira seidauk hatama relatoriu mai ami konaba progresu to’o ona iha prusentu hira, mesmu tarde maibe sira sei hatama” dehan Chefe ne’e.
Nia mos realsa liu tan katak, orsamentu ba halo obra ne’e, sei uja orsamentu emergensia ne’ebe maka governu koloka ona.
Iha parte seluk Deputadu Bendita Magno hateten, ne’e planu ne’ebe diak tanba osan ne’ebe maka tau ba ne’e para atu bele responde ba situasaun sira hanesan ne’e.
“Ponte ne’e presiza tau duni atensaun, tanba ita nia komunidade sira ne’ebe maka hela iha mota sorin dalaruma sira labele hakat mai, tanba hare ba kondisaun ponte ne’e,” dehan Deputada ne’e.
Tanba tuir nia, iha Buihomau rasik komunidade barak presiza atu ultra pasa hodi halo sira nia aktividade sira, tanba ne’e nesesidade duni atu Governu hadia.
