MP Husu Governu Atu Resolve Lalais Problema Naktuka

Problema hadau malu rai Naktuka, Distritu Oe-Cusse ne’ebe akontese iha tinan hirak ba kotuk to’o agora seidauk rezolvidu (Indonezia no Timor-Leste),e foin lalais sei hamate tan komunidade ida iha fatin ne’eba, tanba ne’e Membru Parlamentu Nasional husu ba Governu atu bele resolve lalais kazu ne’e, nune’e komunidade sir abele moris hakmatek.

“Problema ne’e kleur ona maibe to’o agora seidauk resolve, hahu iha tinan rua tolu ba kotuk to’o agora ita seidauk hatene lolos rai ne’e nia estatus, nia fas parte ba timor ou fas parte ba Indonezia, ne’e duni husu ba Governu atu bele toma atensaun,” sujere Membru Parlamentu (MP) Deputadu Paulo Moniz Maia, (11/01), iha PN.

Deputadu ne’e rasik husu ona direitamente ba Embaixador Indonezia iha Timor-Leste, atu nia bele focus ba problema iha fronteira.

“Hau fo ona instruksaun ba ministru negosiu estrangeiru para hamutuk ho embaixador Indonezia bele hare ba kestaun ne’e, markasaun de fronteira no buat sira ne’ebe ita hakaral atu resolve,” tenik Membru Komisaun A Parlamentar ne’e.

Hatan ba kestaun ne’e Primeiru Ministru (PM), Kay Rala Xanana Gusmao katak, agora dadaun governu buka hela dalan atu bele resolve kazu ne’e tanba ne’e husu ba komunidade sira atu kalma.

“Hau husu ba ita tomak kalma, ita sei lori problema ne’e tuir nia dalan lolos, hau mos sei aprezenta problema ne’e ba governu Indonezia karik iha razaun ruma atu halo,” dehan PM Gusmao.