Husi Dirasaun Nasional Transporte Terestres hamutuk ho Polisia Nasional Timor-Leste dirasaun Transito halo ona orariu kona ba Movimentu Kontainer sira ne’e, maibe husi Ministeriu balun maka seidauk fo lisensa, ne’e maka Kontainer sira ne’e lao arbiru latuir orariu
“Iha kuatru Governu Primeiru Ministru fo ona despaixu katak kontetor hirak ne’e tenke la’o kalan, maibe realidade sira halo operasaun iha tempu loron, e kondisaun ne’e impede traffiku bainhira loron,” kestiona Deputadu Virgilio da Costa Hornai, iha Parlamentu Nasional.
Tanba ne’e nia husu ba instituisaun relevante atu toma atensaun, atu nune’e labele hamosu engrafamentu ba movimentasaun iha sidade laran.
Iha parte seluk Xefe Interino Diresaun Nasional Transporte eTerestres (DNTT), Abel da Conçeicaõ dehan sira iha ona planu atu regula konteiner sira ne’e oinsa mak bele muda tiha sira nia orariu operasaun.
“Uluk ami organiza hamutuk ho polisia, fo sai tan avizu para kareta kontetores sira ne’e la’o iha Sabadu ho Domingo, loron bailet sira hahu tuku hitu kalan to’o fali dader, maibe husi bo’ot sira ne’e balun maka dehan hein lai, hein lai to’o agora, hau la hatene los buat ne’e bainhira maka atu la’o,” Xefe Interino ne’e tenik.
Nia hatutan, DNTT) mos tau ona sinal balun para bandu kontentores sira ne’e labele tama, maibe tanba seidauk iha aseitasaun.
Tuir nia, ida ne’e problema seriu no bele afeta trafiku,liu-liu iha tempu dader, tanba ne’e husu ba ulun bo’ot sira atu konsidera mos kestaun ida ne’e.
