“Tanba rai rahun no kolen, tanba anggota sira halo servisu, liu-liu kolega sira husi tranzitu tanba sira nia servisu ne’e barak liu maka integradu ho rai rahun wainhira ba halo operasaun iha Estrada,” dehan Xefe Klinika PNTL, Inspector Abilio Gonsalves, (11/09), iha Kaikoli, Dili.
Kona ba stook aimoruk iha Klinika ne’e, tuir nia, sei sufsiente hodi fo asistensia saude ba pasiente sira.
“Aimoruk sei sufsiente atu atende ba moras ne’ebe maka kona membru PNTL sira ou sira nia familia ne’ebe maka hakarak mai konsulta iha klinika ne’e, alende ne’e Sekretariu Estadu Seguransa no Komando rasik mos fo apoiu aimoruk, laboratorium, kama ba pasiente sira, ne’e duni laiha problema tanba buat hotu-hotu iha,” Inspector Gonsalves tenik.
Enkuantu Medikus nain neen (6) ho Parteira ida, “ e doutor sira ne’e doutor jeral ne’ebe maka fo assitensia ba kualker moras ne’ebe maka pasiente sira infrenta,” Xefe Klinika ne’e katak.
Xefe Klinika ne’e preokupa tanba klinika ne’e fatin klo’ot liu tanba ne’e komando sei koko atu bele habelar liu tan edifisiu ne’e, hodi nune’e doutor sira ne’ebe maka hala’o atendementu tenke iha fatin idak-idak hotu.
Entretantu Deputadu Francisco da Costa , dehan ne’e mudansa ne’ebe maka diak iha Institusaun PNTL nia laran tanba estabelese ona klinika iha laran.
“E espera katak bele atende ba moras ne’ebe maka Polisia sira infrenta, ita hetene katak ita nia PNTL ne’e servisu kalan loron halo operasaun, ne’e duni bele deit kona moras ISPA,” dehan Deputadu da Costa.
