“Sira mos hakarak mai hare fatin ne’e nudar fatin ne’ebe tau arquivo CAVR ninian,tanba ne’e Bispo sira mai hare oinsa bele proteje ba dokumentus ne’e sai patrimonio do estadu ba futuru,” hateten Diretor Ezekutivu CAVR, Agostinho de Vasconselhos ,(10/09),iha Balide, Dili.
Diretor Ezekutivu ne’e dehan,fatin historiku ne’e importante para ema hotu bele mai vizita hodi bele hatene historia Timor ninian.
Entretantu Bispo Diocese Dili, Dom Alberto Ricardo katak, prezensa Amo Bispo sira ne’e mai husi nasaun ne’ebe mak koalia lian Portugues.
“Mai husi Afrika ,Asia,America do Sul ,sira ne’e mak mai,” hateten Bispo Ricardo.
Tuir Bispu Ricardo, vizita Bispo CPLP mai iha CAVR ne’e hatudu katak, fo apelu ba justisa.“Atu respeita umanidade,seriumanu,dignidade ne’e mak sira mai hare,” tenik Bispo ne’e.
Alende sira hatene istoria kona ba Timor nian, delegasaun ne’e mos bele hakerek livru ida kona ba istoria Timor nian.
Iha fatin hanesan Sekretariu Delegasaun Bispo CPLP, Manuel Morizao husu, atu Timor-Leste kontinua mantein sira nia historia.“Uluk ita luta ba Independensia, ohin loron luta ba liberdade hodi kria paz, dezenvolvementu no justisa ba povu Timor,” Sekretariu Delegasaun CPLP ne’e katak.
