Tuir Diretor Fisioterapia Distritu Oe-Cusse, Calisto Corbafo katak moras hirak ne’ebe halo konsulta mak hanesan moras artritis reumatik, ruin siin, struk,asma, several false (kakutak la normal), kanotak moras no moras ain tur.
“Iha area ida ne’e presiza tebes rekursu umanu tanba ita hatene katak durante ne’e ami nia rekursu menus los, tanba ne’e ami husu ba ministeriu relevante atu aumenta funsiunariu,” hateten Diretor Fisioterapia ne’e.
Entretantu hatan ba kestaun ne’e Diretor Ospital Referal Oe-Cusse (HRO), Antonio Boqifai, katak Ospital laiha kbi’it atu rekruta funsiunariu foun.
“Koalia kona ba rekursu umanu iha area saude difisil la halimar, e ida ne’e kompetensia ministeriu relevante ho Komisaun Funsaun Publika,” Diretor ne’e tenik.
Diretor ne’e espera katak, depois de estabelese munisipiu, distritu iha ona poder atu rekruta sira nia funsiunariu tuir nesesidade ne’ebe iha.”Agora buat hotu sei sentraliza hotu iha nasional.”
