“Hau servisu iha ne’e ho doutor estranjeirus ida nia orario atendimentu iha klinika ida ne’e so Segunda to’o Kuarta-feira, loron seluk hau mesak mak iha ne’e atende tuir kapasidade ne’ebe hau iha tanba doutor tenke ba fali iha Ospital Nasional Guido Valdares,” hateten Enfermeira Filomena Lin, (02/08), iha PN.
Iha parte seluk Membru Parlamentu Nasional, Deputadu Mateus de Jesus ne’ebe semana –semana kontrola nia kondisaun saúde iha klinika ne’e hateten, mediku estranjeiru ka mediku Timor oan ba nia laiha problema, importante mak atendimentu saude ba Deputadu sira diak.
“Ba hau la halo diskriminasaun ba mediku hotu se deit mak mai fo atendimentu iha Klinika ne’e tantu mediku estrangeiru ou Timor oan ba hau laiha problema maibe importante ministerio kompotente nafatin koloka mediku ida hodi bele fo atendimentu ba membru parlamentu sira bainhira hetan moras,” dehan Deputadu de Jesus.
Enkuantu Deputada Ilda Maria da Conceicão, katak atendimentu iha klinika VIP PN durante ne’e la’o ho diak, tanba enfermeirus sira sempre iha fatin atu fo atendimentu maibe iha loron hira ikus ne’e klinika ne’e la la’o ona no membru parlamentu sira ne’ebe hakarak halo konsulta maibe klinika taka.
“Ba ami nudar membru parlamentu ami nia interese mak tenke iha mediku ida ba klinika ne’e atu mediku estranjeiru ou Timor oan laiha problema importante mak atendimentu ba membru deputado/ a sira tanba sira halo diskusaun tensaun sae, sira bele fo atendimentu imediata,” dehan Deputada Conceicão.
