“Ne’e preokupasaun bo’ot, tenke iha armazen nune’e wainhira oras servisu remata kilat ne’e labele lori ba uma, maibe rai iha armazen,” preokupa Koordenador Peskiza FM, Joao Almeida Fernandes, (13/08), iha Balide, Dili.
Tanba ne’e FM rekomenda ba Komando PNTL no Sekretariu Estadu Seguransa (SES) atu estabelese armazen kilat nian, ho funsionamentu sistema iha Postu Polisia iha teritoria tomak.
Entretantu II Komandante Jeral PNTL, Komisariu Afonso de Jesus rekonese katak durante ne’e PNTL laiha armazen atu tau kilat.
“La’os distritu hotu-hotu iha armazen, maibe agora dadaun husi Komando Nasional sosa ona armari besi no fahe ona ba Komando Distritu sira hotu, para elementus ne’ebe deit maka halo ona nia knar hotu, kilat sira ne’e tenke tau iha armari besi ne’e,” dehan Komisariu de Jesus.
Tuir nia, kuandu iha membru Polisia balun lori kilat ba uma hafoin remata servisu, nia sei atensaun katak iha nesesidade importante atu uza kilat ne’e.
