“Ne’e problema ida ne’ebe maka hau hakarak diskute ho Prezidente Tribunal Rekursu, no mos ho Prokurador Jeral da Republika, hodi hare kona ba asuntu ida ne’e atu aumenta tan volume Juis sira,” hateten Ministru Justisa, Dionisio Babo, foin lalais iha Dili.
Tuir Ministru, MJ mos sei hare kona ba juis sira nia kareira atu halo intensivu liu, hare sira nia kualidade.
Entertantu Deputada Virginia Ana Belo,konkorda ho planu ida ne’e, tanba durante ne’e kazu barak mak sei pendent iha tribunal sira.
“Ne’e programa ne’ebe maka diak, tanba ita hare iha kada tribunal iha deit juis nain 3 balu nain hat, sedangkan kazu ne’ebe maka tama ne’e kada loron, ne’e duni hau hanoin ida ne’e idea diak ida,” apoia Deputada Ana Belo.
Deputada ne’e mos husu atu fo formasaun ne’ebe nato’on ba juis sira atu bele apar ho sira nia kualidade nudar juis.
