Oras ne’e dadaun ema ne’ebe atu hein animal ne’ebe governu oferese iha Sentru Produsaun Animal (SPA) iha Dotik, Distritu Manufahi, la sufisiente.
“Ami asistente ne’ebe mak durante ne’e hein animal hamutuk 11 deit, ne’ebe wainhira loron bo’ot hanesan 20 de Maiu no 28 de Novembru, ami la feriadu tanba ema atu hein fali la iha,” Agostinho da Silva, Asistente SPA Dotik, Alas, Distritu Manufahi, foin lalais.
Tan ne’e nia husu ba ministeriu kompetente atu rekruta tan ema hodi aumenta numeru asistente ba area ida ne’e.
Entertantu Eis Membru Komisaun D Parlamentar, Deputadu Adriano Joao katak, sira seidauk bele halo fiskalizasaunn iha fatin ne’eba tanba iha mandatu III lejislatura ne’e seidauk forma komisaun.
“Enkuantu hau sei iha komisaun D nafatin ga lae, hau seidauk hatene maibe kuandu forma tiha ona, entaun komisaun D nia knar atu halo fiskalizasaun,” dehan Deputadu Joao.
Maske nune’e, Deputadu ne’e dehan iha tempu badak sira sei ba halo fiskalizsaun iha fatin ne’eba hodi hare direitamente problema ne’e.
