Justisa nudar pilar importante iha nasaun ne’ebe adopta sistema Demokrasia, hanesan iha Timor-Leste, ne’e duni presiza hasa’e kualidade juis nian liu husi kria formasaun kapasidade ba sira iha setor hotu.
“Ba future governu presiza kria formasaun ba setor judisial kona ba krimi transisional ne’ebe maka estuda kona ba krimi sira ne’ebe maka partensia ba droga, human trafficking, krimi kona ba korupsaun no money laundry, krimi sira ne’e termasuk krimi bo’ot antar nasaun, ne’e duni ita nia judisil sira ne’e mos presiza estuda kle’an kona ba ida ne’e,” hateten Diretor Ezekutivu Judicial System Monitoring Program (JSMP), Luis de Oliveira Sampaio, (23/07), iha Colmera, Dili.
Tuir Diretor JSMP Sampaio, durante ne’e formasaun ne’ebe maka iha ne’e kuaze kona ba krimi ordinariu.
“Ita toman tiha fali tuir formasaun kona ba ema oho malu, baku malu, entaun wainhira ita infrenta hanesan krimi transisional, ita iha kewalahan atu atende,” Diretor JSMP ne’e kestiona.
Iha lidun seluk Deputadu Francisco Jeronimo rekomenda ba governu foun mai atu toma atensaun ba problema ida ne’e,liu-iu fo formasaun ne’ebe mak diak ba Prokurador sira, Juis no Defensor inklui Ofisial Judisial.
“Aumenta tan rekursu umanu iha area justisa nian, no fo formasaun ne’ebe maka diak kle’an ba sira, atu nune’e ita labele dependensia nafatin ba ema husi liur ou internasional sira,” hateten Deputadu Jeronimo.
